الحمدلله

الحمدلله
الحمدلله
الحمدلله
نحنا موجودين بهذي المرحلة الصعبة مع أهلنا
الشي يلي صار حذرنا منو كثير وبكل مرة كنتوا تطلعوا تهاجمونا وتسبوا وتخونونا ومع هيك صبرنا
مو فارقة معنا نموت او نعيش بس مستحيل نترككن رغم كل الجراح
يا أهلنا خلونا نطلع بحلول واقعية وما حدا ينفرد بقرار أو مصير محافظة كاملة

اللي زت أهلنا وأخذ ملايين الدولارات على ضهركن كانت نتيجته حرق ٣٤ قرية وأكثر من ٢٠٠٠ شهيد بين أطفال ونساء وشيوخ
أهلنا تشردوا بالمدارش والمقامات وبالعراء
كرمال شو يا شيخ حكمت؟؟؟؟ هذا هو المشروع يلي وعدت العالم فيه ؟؟ وهذا الصالح يلي كنت تطمن العالم فيه؟؟

إذا المحافظ طلبت أنو تكون محسنة المحيثاوي وافق الرئيس
طلبت قائد الشرطة طلال العيسمي وافق الرئيس
طلبت يكون الأمن والجيش من أبناء السويدا حصراً مع دعم لوجستي وتجهيز وتمويل من الدولة كمان وافق الرئيس وتوجهلك عدة دعوات وانت رفضت…
حتى وصل الأمر أنو انعرض امتيازات ما نالتها أي محافظة ( وهيي حق لألنا ) بس كل مرة كان الجواب تصعيد وتصريحات بتزيد الشرخ بين المكونات وتزرع الحقد والعداوة والطائفية….

من البداية ما كان في مطلب بتسليم السلاح
المطلب كان واضح..ضبط السلاح المنفلت وحصره بأيدي القادرين على حمله بشكل منظم وإنشاء جيش موحد من أبناء المحافظة بمختلف أطيافهم وخدمتهم داخل السويدا فقط…..
وكثيير عالم شاهدة على هذا الكلام …
وكان المفترض تشكيل ألوية ٢ كاملين بتجهيز ودعم وتمويل من الدولة السورية مع تأمين الثكنات والرواتب والسلاح والآليات
توافق على هذا الشي من جميع القوى الفاعلة على الارض بس بعدين انسحبتوا وصرتوا بدكن تحط ولد بعمر العشرين قائد الألوية ويقودوا مصير المحافظة …ليش ؟؟ لانو ابن الشيخ ..

بتاريخ ١٣ آذار طلعت وقلت لا وفاق ولا توافق مع الحكومة ووصفتها بالإرهاب قبل الأحداث وصار في تجييش علينا من كل الجهات وبعدها زاد الشرخ والفتن بينا وبين الشعب السوري وصرنا نحنا بمرحلة فرضت علينا الصدام بدايتها كانت بجرمانا بعدها للأشرفية وصحنايا وصولاً لجبل الشيخ بدون اي مراعاة لواقع أهلنا ولا مبالاة ؟؟

ورجعنا بتاريخ ب أيار صار اجتماع موسع بعد جهود وتكاتف أهل الخير وضم كل القوى الفاعلة من مشيخة العقل للزعامات التقليدية وقادة الفصائل
وتم الاتفاق وقتها على تفعيل دور وزارة الداخلية والضابطة العدلية من أبناء المحافظة حصراً وبسط الأمن والامان على كامل الأراضي السورية…
وكنا عاملين قوائم بأسماء يلي بدهن ينتسبوا لوزارة الدفاع من جميع المكونات والفصائل والعدد وصل لـ ١٢ ألف منتسب
ما كان الهدف سحب سلاح، بالعكس الهدف تنظيمه وضبطه بعيد عن العشوائية…..
وبعدين انسحبت وخونت كل من قبل ….ليش ؟؟ الله أعلم
مع العلم انت دعمت وبعدها طعنت وكلفت بوقتها حياة الشهيد الشيخ أمير قيصر وبعدها انسحبت بدون اي مبرر

وبعد اعتراف جميع الدول العظمى بشرعية الحكومة والرئيس للأسف ظل الخطاب الداخلي حاد وهجومي…هذول إرهابيين هذول دو١١عش هذول ما بيسووا…..

🔴🔴🔴🔴🔴هون السؤال الأهم🔴🔴🔴ليش ما شفنا بالسويدا أي مطالب شعبية حقيقية أو حراك ثوري أو حزب معارض للسلطة او حكومة واضح؟؟؟؟
ليش ما حدا طلع طالب بإسقاط هاي الحكومة ؟؟؟
ليش مصير أكثر من ٧٠٠ ألف إنسان مربوط برأي وفكر شيخ واحد؟؟؟؟

ف من أول هالخطاب التحريضي كان الهدف تقسيم وانفصال وتنفيذ أجندات خارجية وارتهان للخارج وعكل شرخ بين مكونات الشعب السوري ….

وكل واحد او جهة او طرف او شيخ او مكون حاول يلاقي حل بعيد عن الدم ويطالب بالسلم الاهلي ويرأب الصدع ..
يخونوه وتبروا منو ….

رغم إنو نحنا منعرف بكل الاجتماعات والاتفاقات يلي صارت بدمشق من تحت الطاولة وآخرها قبل المجازر بأسبوع..
لكن على الإعلام بينكروا لهاي التفاهمات لحتى يضل الشعب مغيب وماشي وراهم بتبعية عمياء…

أهلنا بالسويدا وطنيين وشرفاء
اللي بده إسرائيل أو تقسيم أو دم وقتل ما بيشكلوا أكتر من ٥٪ من أهل المحافظة…
اعذروا الأصوات الوطنية بالداخل لأن أي معارضة لمشاريع الانفصال عم تتحارب وتتضايق بأبشع الطرق
بس وقت يوقف أهل الحق ويقولوا كلمتهم كل الموازين رح تنقلب
والتاريخ رح يكتب إنو الجبل انذبح بتموز وبكل تاريخنا ما صار متل هالمجزرة وعلى حساب شو
الله يرحم ارواح الشهداء ويجبر مصاب أهلنا
ونحن مع محاسبة كل المجرمين من اي جهة كانت ..

ولكن سؤالي للشيخ حكمت ٣٤ قرية انحرقت أهلنا تشردوا وانت ليل نهار بيانات وتصعيد وعبتاجر بدم أهلنا وتخون الي بدك يا وتطعن الي بدك يا
ورح يجي يوم ويسأل التاريخ ..وين كان شيخ العقل بهذا الوقت ؟؟؟؟

وهون راح وضح أمر هام نحنا صبرنا وسكتنا كرامة أهل الخير من أهلنا وراح نصبر أكثر بس ماراح نسمح من هون وغاد المتاجرة بدمن وكرامة اهلي ودمن غالي علينا كثير
والإعلام النجس الي ليل نهار تجييش وسب وطعن وتخوين والي عبديروا ابنك سلمان بصفحة السويداء الكرامة راح يتحاسب

Linktree
Ayman Alhaddad | Instagram, Facebook, TikTok | Linktree

Journalist-Director who believes in great Syria and the great Syrien people