ولا تفكروا انا بعيد عنكن نحنا بسويدا وبين أهلنا
وبإذن الله راح يرجعو معززين مكرمين على بيوتن ونداوي الوضع المأساوي ويتعوض على كل متضرر ويتحاسب كل مجرم
وسويدا ارضنا وأرض أجدادنا ولو بهذا الوقت قسم كبير راكض وراك بس بالنهاية الحق راح ينتصر ويعلو ولا ويعلى عليه ..
وياشيخ حكمت راح ذكرك بقبل وقت النظام اشتغل عليك ضمن داخل بلدك وصلنا خبر من الشيخ الجولاني بوقتها الي اليوم هوي الرئيس وبعث فريق لعندك على قنوات لحمايتك ومحاسبة رئيس العصابة المكلف بقتلك من قبل كفاح الملحم الي هوي نفسو اليوم انت عاملو بطل قومي والرصاص الي بجسمنا لحمايتك كان ..
وانت بتعرف منيح وعندي كل الحقائق
ووقت السيارة الي عند جسر مردك هذي سيارة رئيس فرع المخابرات الي حط الحاجز وكانت الشرارة بمعركة داخلية ونحنا وقفنا وساندناك وحميناك لإنك بوقتها كنت وجه للثورة وحتى أهلنا السوريين رفعو صورك واعلام الخمس حدود بإدلب وبحلب وبالدير وبدرعا وبحمص وكان كل الإحترام الك .
وبعد السقوط كرموك واعتبروك رمز وطني وكان الخطاب الي بدك يا ولكنك للأسف طعنت بالثورة وطعنت بأهلك وعملتلنا فتنة بين أهلنا السوريين ودم وزدت الاحتقان والشرخ بيبياتك التصعيد بدون اي مراعاة وبكل مرة نسألك شو مشروعك مافي على لسانك غير كلام ورتابية وبهونا الله وإن شاء الله خير ..
عطيني معتقل واحد طلعتوا
عطيني مشروع خدمي قدمتوا
عطيني تعويض على أصغر عيلة شهيد قدمتها مع العلم وصلك ملايين الدولارات وفيكن تسألو خلدون
عطيني وقف لأي فتنة
وقف للدم عطيني شي قدمتوا للجبل ..
الثورة نحنا عملناها وسلمنا الك القيادة على طبق من ذهب
حتى المعتقلين وقت كنا نشتغل على الأرض مانخلي حدا غيرك يمون علينا بأي موقف بأي حدث سلمناك مواقف الكرامة على طبق من ذهب
الله يرحم الشهيد ابوغيث مرهج الجرماني بتبعيتو الي وقت تعرضت للأهانة من رئيس الأمن العسكري لؤي العلي نحنا ذلينا النظام وركعناهن بمضافتك ووووو الخ
كلو على طبق من ذهب وعلى حساب دمنا بس لإنك دعمت ثورة الشعب السوري ..
واخر شي خونتنا وطعنتنا وطعنت كل العالم على حساب شو الله بيعلم …
https://linktr.ee/ayman.alhaddad
Linktree
Ayman Alhaddad | Instagram, Facebook, TikTok | LinktreeJournalist-Director who believes in great Syria and the great Syrien people
